Updated and News Updated and News

በኢትዮጵያ የህንድ አምባሳደር በኤጀንሲው የሥራ ጉብኝት አደረጉ

በኢትዮጵያ የህንድ አምባሳደር የካቲት 06/2009ዓ/ም በፌዴራል የአነስተኛና መካከለኛ ማኑፋክቸሪንግ ኢንዱስትሪዎች ልማት ኤጀንሲ ተገኝተው የሥራ ጉብኝት ባደረጉበት ወቅት ኤጀንሲው ያለውን አቅም በአግባቡ ለመጠቀም እንዲችል ሀገራቸው በኢንኩቤሽን ማዕከሉ ባሉ ማሽነሪዎች የአሠልጣኞች ሥልጠናና የማሽነሪ አቅርቦት ዙሪያ ድጋፍ እንደምታደርግ ገልፀዋል፡፡

የፌዴራል ኤጀንሲው ዋና ዳይሬክተር አቶ አስፋው አበበ በበኩላቸው በሀገራችን በቀላል የማኑፋክቸሪንግ ኢንዱስትሪ ዘርፍ ለመሰማራት የሚያስችል የጥሬ ዕቃ አቅርቦት መኖሩን ጠቅሰው፣ እነዚህን አቅሞች በተገቢው መንገድ ለመጠቀም የኢንኩቤሽን ማዕከላት ወሳኙን ሚና እንደሚጫወቱ አብራርተዋል፡፡ 

ለዚህም ውጤታማነት ማዕከላቱ በተለይም የሰለጠነ የሰው ሀይልን ለመፍጠር የህንድ መንግስትን ድጋፍ እንደምትፈልግ ገልፀዋል፡፡ ‹‹ይህ መደጋገፍ ለሁለቱም ሀገራት ተጠቃሚነት ያለው ሚና ጉልህ ነው ያሉት ዋና ዳይሬክተሩ በተለይም በማሽነሪ አቃርቦት ዘርፉ የህንድ ካምፓኒዎች በስፋት ተጠቃሚ ሊሆኑ የሚችሉበት አማራጭ መኖሩን ጠቅሰዋል፡፡

በጉብኝቱ የተሳተፉት የCAWEE ፕሮጀክት ተወካይ በበኩላቸው ሀገራችን የዲሞስቶን ሀብት በስፋት ያላት ቢሆንም ዜጎች ግን ተጠቃሚ መሆን እንዳልቻሉ ጠቅሰው በዘርፉ የህንድን ተሞክሮ ለመቀመር ፍላጎት እንዳላቸው አብራርተዋል አምባሳደሩ በበኩላቸው በህንድ አፍሪካ ትብብር የተቋቋመውን ማበልፀጊያ ዩኒትን ጨምሮ በጀምስቶንና በሐር ጨርቅ ምርት ላይ ሀገራቸው ህንድ ያላትን ተሞክሮ ለማጋራት ፍላጎቱ እንዳላት ገልፀው፣ ዕውን ለማድረግ የሚያስችሉ ተግባራት እንደሚከናወኑ ገልፀዋል፡፡

Image