Updated and News Updated and News

የኤጀንሲው አመራርና ሰራተኞች የሃዋሳ ኢንዱስትሪ ፓርክን ጎነኙ

የፌዴራል አነስተኛና መካከለኛ ማኑፋክቸሪንግ ኢንዱስትሪ ልማት ኤጀንሲ አመራርና ሰራተኞች ከሰኔ 2 እስከ ሰኔ 4 መነሻውን አዲስ አበባ መድረሻውን ሃዋሳ ያደረገ ትምህርታዊ ጉዞ አካሄዱ፡፡

የኤጀንሲው አመራርና ሰራተኞችን በተለያዩ የጉብኝትና የመዝናኛ ፕሮግራም ማነቃቃት ተቋሙ በበጀት ዓመቱ ያስመዘገበውን የስራ አፈፃፀም ለማስቀጠልና ለ2010 በጀት ዓመት ዕቅድ አፈፃፀም  በተደራጀ የልማት ሰራዊት ለመፈፀም ያስችላል ያሉት የኤጀንሲው ዋና ዳይሬክተር አቶ አስፋው አበበ ትምህርታዊ ጉዞውም የማኑፋክቸሪንግ ዘርፉ ያለበትን ሁኔታ ያስቃኘ መሆኑን ገልጸዋል፡፡ መንግስት ለማኑፋክቸሪንግ ዘርፉ ትኩረት ሰጥቶ እየሰራ መሆኑን የገለፁት ዋና ዳይሬክተሩ እንደ ሃዋሳ ኢንዱስትሪ ፓርክ ሁሉ ለአነስተኛና መካከለኛ ማኑፋክቸሪንግ ኢንዱስትሪዎችም የማምረቻ ቦታ ችግርን ለመፍታት  በሃገር አቀፍ ደረጃ በተመረጡ ከተሞች ለመገንባት ዝግጅቶች መጠናቀቃቸውን ተናግረዋል፡፡በመርሃ ግብሩ ላይ ኤጀንሲውን ለበርካታ ዓመታት ላገለገሉና በጡረታ ለተሰናበቱ ሰራተኞች እውቅናና የምስጋና ሽልማት የተሰጣቸው ሲሆን ይህም በተሸላሚችና በአጠቃላይ በአመራሩና በሰራተኛው ዘንድ አስደሳች ስሜትን ለመፍጠር አስችሏል፡፡

ትምህርታዊ ጉዞው በዋናነት የሃዋሳ ኢንዱስትሪ ፓርክን ያስጎበኘ ከመሆኑም በላይ የላንጋኖ መዝናኛን፣ የወንዶ ገነት የተፈጥሮ ፍልውሃ መዝናኛን እና የቡታጅራና የአካባቢውን የተፈጥሮ ውበት በመጎብኘት ተጠናቋል፡፡ 

Image